1. Notes: 14 / 1 year ago 

   dSource Interview with Bernabe ‘Abe’ Concepcion isang linggo bago niya labanan si Lopez sa Puerto Rico

   Julyo 5, 2010

   

   Nakausap natin ang mabuti nating kaibigan na si Bernabe ‘Abe’ Concepcion isang linggo bago nya labanan si JuanMa Lopez ng Puerto Rico. If you ispokening English (

   click here - English version). 

   Importante and laban na ito para kay Abe at marami ang nagsasabi na mahihirapan ng lubusan ng batang laki ng Catanduanes na ngayo’y naninirahan sa Rizal. Basahin niyo ang usapan namin sa ibaba. 

   *****

   DSource - Kamusta Abe? Kamusta kundisyon mo at pangangatawan? Ano mga ginawa mo pagkatapos nung panalo mo sa Pinoy Power 3? Have you been staying in shape?
   

   Abe - Mabuti naman po, Kayo kumusta rin po, pasensiya na noong weight-in ko laban kay Mario Santiago. Hindi lang ako maka ngiti noon kasi hindi pa ako kumakain dahil sa weight in, kailangang makuha ang timbang. Pagka tapos noong huling laban ay medyo sumama kila Nonito Donaire at Mark Melligen, nag ikot sa atin at bisita sa mga kaibigan at sa probinsiya ko. Laro lang ng basketball lagi at napunta rin ako sa gym sa Quezon City, regular iyon kahit wala pa akong alam na schedule na laban. 
   
   DSource - Ano mga nakikita mong problema na pwedeng ibigay sa iyo ni Lopez sa fight niyo at papano mo ito lulutasin?
   Abe - Magaling na boksingero si Juan Ma, malakas at masipag ring sumuntok kaya naandiyan siya ngayon. pero pinag handaan natin’yan, nasa side naman natin si Kuya Buboy at Kuya Nonoy. 
   
   DSource - Ano mga advatange mo naman kay Lopez at mga nakikita mong butas sa laro niya?
   Abe - Sabi nila mas malakas akong sumuntok, kaunti nga lang pero may quality. 
   
   DSource - Madaming mga fans ang nagsasabi na baka hinde ka pa daw handa kay Lopez. Ano reaksyon mo dun? 
   

   Abe - Magaling naman talaga si Juan Manuel Lopez at gusto ko naman na makita ako na underdog sa mga laban ko, para pag butihin ko ang ensayo. Inspirasyon ko ‘yon at malaking tulong rin sa akin iyong mga concern nang mga fans. Pero ang mahalaga sa lahat, ilakip ako ng mga taga suporta natin sa mga pag lapit nila sa Panginoong Diyos at malayo na rin sa anumang sakuna kami pareho ni Juan Ma at mga kasama kong boksingero na pagka tapos ng laban na ito ay patuloy pa kaming maka pag boksing. 
   
   DSource - Lalabanan mo si Lopez sa bakuran niya sa Puerto Rico. Hinde ka ba natatakot na baka lutuin ka dun o kaya naman hinde mabigyan ng patas na disisyon at tingen mo dahil sa Puerto Rico ang laban kailangan mong kunin ang knockout?
   

   Abe - Ang problema ko lang ay hindi ako maka-attend ng pag samba, lalo na sa laban ko dito sa Puerto Rico, malayo sa venue ang lugar ng pagsamba kaya hindi rin nakasama sa akin iyong mga kasama natin na kapatid ko sa INC. Kaya naiwan ko sila sa California, galit-galit muna raw kami dahil hindi sila maka-samba. Ilakip rin natin sa panalangin natin na iyong mga Judges ay manatiling honest sa trabaho nila at pag palain pa lalo sila sa kanilang mga trabaho. 
   
   DSource - Tingen mo, kaya mo patumbahin si Lopez?
   

   Abe - Medyo mahirap yata ‘yan, hahaha. Pero kahit sino naman puwedeng ma knock out, nasa pag hahanda iyan. Panoorin na lang ninyo ang laban…
   
   DSource - Ano mga tinatrabaho mong pagbutihin pa sa laban mo? Ano mga ineensayo mo na technique na gusto mong pagalingin?
   

   Abe - Pina tigas ko iyong panga ko at katawan, hahaha. At pina-lakas ang suntok. 
   
   DSource - Ano naman masasabi mo sa panalo ni Manny sa Congress? Tinging mo magiging mabuti ba siyang pulitiko at bakit?
   

   Abe - Congratulations Kuya Manny!! Masaya dahil nanalo siya, iyon naman ang gusto niya. Magaling naman siya kahit anong pasukin niyang larangan kasi hindi niya basta basta ginagawa ito, pinag bubutihan pa! Kung magiging pulitiko siya? Sa tingin ko, “Ang pangarap niya”, ang magiging gabay niya para maging mabuting lingkod. Pero kailangan maging maingat rin siya sa pag pili ng mga papaligid sa kanya dahil ito ang mag hatak sa kanya sa ikabubuti o kaya ay ika sisira sa career niya bilang pulitiko. Kalakip naman siya sa mga panalangin ko, na gabayan siya lagi sa kanyang bagong career. 
   
   DSource - Ano mensahe mo sa mga fans mo?

   Abe - Maraming-maraming salamat po sa mga paalala, naging maayos po ang training ko sa gabay ni Kuya Buboy, Kuya Manny at pangangalaga ni Kuya Nonoy Neri-Team Pacquiao at ng laging naandiyan lang sa tabi natin ang Team Concepcion, gayon din sa lahat ng aking sponsor. Kaya panoorin po natin sa susunod na Sabado na po sa SHOWTIME Network at ABS-CBN. Mapapanood rin po ninyo ang isa pa nating Pinoy Champ, World Boxing Association (WBA) superflyweight interim champion Nonito “The Filipino Flash” Donaire Jr. at ang laging kasama ko po sa training sa Team Pacquiao Camp, Eden Sonsona. Invite nyo na rin po ako sa mga kamag anak ninyo at kaibigan sa Facebook na hindi po alam ang event na ito. ABS-CBN Network (Check your local schedule) and Showtime Network, Saturday July 10 9pm ET, 6PM PT (California), It’s SHOWTIME!!

2. Notes

   1. wakameeeeeeeeeeee liked this
   2. pikopino liked this
   3. wakameeeeeee liked this
   4. wakameeeeeeeee liked this
   5. thcman liked this
   6. martynqlol liked this
   7. martinalol liked this
   8. pinoypower posted this

"Pambansang Ballpen" by: Dennis "D Source" Guillermo

Tumblr